თბილისის შვეიცარიულ საერთაშორისო სკოლაში სკოლამდელი განათლების ცენტრსა და I-VI კლასების მოსწავლეებს წინასწარ დადგენილი პროცედურების მიხედვით მივიღებთ თავისუფალი ადგილების გათვალისწინებით.
ჩვენთვის უმნიშვნელოვანესია, დავადგინოთ მოსწავლის სასკოლო მზაობა, მისი ინდივიდუალური მახასიათებლები და აკადემიური დონე, რათა საუკეთესოდ მოვემზადოთ მასთან შესახვედრად. ჩვენი სკოლა ინკლუზიურია და მიღებისას არ მოახდენს დისკრიმინაციას რასის, სქესის, რელიგიის, კულტურისა და ეთნიკური წარმომავლობის მიხედვით.
სკოლა დაწყებითი საფეხურის ავტორიზაციის პროცესშია და სწავლის დასაწყებად სექტემბრისთვის ემზადება.
ჩვენ გვჯერა, რომ საუკეთესო ხარისხის განათლება ყველასთვის ხელმისაწვდომი უნდა იყოს. შესაბამისად, SIST_ში მოქმედებს 1. ფინანსური მხარდაჭერის პროგრამა, რომელიც განკუთვნილია ფინანსური საჭიროებების მქონე მოსწავლეებისათვის 2. სასწავლო გრანტი განსაკუთრებული აკადემიური მოსწრების მქონე, აქტიური და მოტივირებული მოსწავლეებისათვის. საგრანტო პროგრამების შესახებ დამატებითი ინფორმაციის მისაღებად, დაგვიკავშირდით
მას შემდეგ, რაც გამოთქვამთ ინტერესს თქვენი შვილი ჩვენ სკოლაში შემოიყვანოთ, ჩვენი მიღების გუნდი დანიშნავს ტესტირებისა და გასაუბრების თარიღს მოსწავლისათვის. სკოლამდელი განათლების ცენტრისა და I კლასის მოსწავლეებთან ინიშნება მხოლოდ გასაუბრება ფსიქოლოგთან სასკოლო მზაობის დადგენის მიზნით. II-VI კლასების მოსწავლეებთან ინიშნება ტესტირება ქართულში, მათემატიკასა და ინგლისურში, ასევე გასაუბრება საფეხურის ხელმძღვანელთან.
მოსწავლის ტესტირებისა და გასაუბრების ეტაპის შემდეგ ინიშნება შეხვედრა მშობლებთან მოსწავლის შესახებ დამატებითი ინფორმაციისა და შესაბამისი რეკომენდაციების გაცემის მიზნით.
ჩარიცხული მოსწავლის მშობლებთან ფორმდება საგანმანათლებლო მომსახურების ხელშეკრულება და, ხელშეკრულებით დადგენილ ვადებში სწავლის საფასურის გადახდის შემდეგ, მოსწავლე საბოლოოდ რეგისტრირდება სკოლაში.
მიღების პროცედურების დაწყების მიზნით, გთხოვთ მოგვწეროთ ელექტრონული ფოსტის მისამართზე ან დაგვიკავშირდით ტელეფონის მეშვეობით.
დარეგისტრირდი